Ашигт малтмалын газраас хайгуулын тусгай зөвшөөрөл хүссэн өргөдлийг өнөөдрөөс онлайнаар авч эхэлж байгаа билээ.
Тэгвэл одоогоор серверт алдаа гарсан шалтгаанаар тус бүртгэл түр хаагдаад байна.
Ашигт малтмалын албан ёсны вэб хуудсанд "Хайгуулын тусгай зөвшөөрөл хүссэн өргөдлийн дугаар олгох цахим системийн Login серверт алдаа гарч техникийн саатал үүссэн тул дугаар олгох үйл ажиллагааг түр хугацаагаар зогсоосныг мэдэгдье" гэжээ.
Тиймээс энэ талаар ашигт малтмалын газраас тодруулахад "Одоогоор сервер гацчихаад байна. Бид 51 дэх дугаарыг олгож байхад сервер гацчихсан болохоор асуудлыг яаралтай шийдэхийн тулд холбогдох албаны хүмүүс хуралдаж байна. Сервер юунаас болж гацсан, хэзээ хэвийн болох талаар одоогоор тодорхой хариу өгөөгүй боломжгүй байна" гэсэн тайлбарыг өгөв.
Харин хайгуулын тусгай зөвшөөрөл авахаар бүртгүүлэх гэсэн компанийн удирдлагууд нэлээд бухимдалтай байгаа аж. Учир нь тус хайгуулын тусгай зөвшөөрлийг эхний 120 компани, аж ахуйн нэгжид олгох ёстой байсан аж.
Тиймээс ч эхний 120 компанийг орж дуусах хүртэл нэвтрэх эрхийг хязгаарлаж байгаад анхнаасаа бэлдсэн компаниудаа оруулсан гэж байна гэх хадлага ч байгаа юм байна. .
Учир нь хайгуулын тусгай зөвшөөрөл хүссэн компани бүр энэхүү бүртгэлд хамрагдахын тулд 780,000 төгрөг төлж байгаа бөгөөд нийтдээ 3000 гаруй компани оролцсон гэх албан бус мэдээлэл ч байгаа юм.
Ямартай ч бид энэ талаар эргэн мэдээллэх болно.
