Засгийн газрын нэрийг барьж 160 ам.долларын үнэ бүхий “Аccess” сурталчилгааны сэтгүүлийг гадны жуулчдад шахаж байсан хэрэг өнгөрсөн долоо хоногт илчлэгдэж, олны анхаарлыг ихээр татаж байсан билээ.
Тэгвэл “Ассess” сэтгүүлийг Монголд байхгүй үнээр жуулчдад худалдаалж байсан “Хүннү лорд” компани нь тэнгэрт тулсан үнэтэй энэхүү сэтгүүлээ хэдэн хувь хэвлэсэн, хэдэн төгрөгийн ашиг олсноо өнөөдөр хэвлэлийн хурал хийж дэлгэрэнгүй мэдээлэхээр болжээ.
Албан бус эх сурвалжийн мэдээлж буйгаар дээрх сэтгүүлч 36 мянган хувь хэвлэгдсэн гэх мэдээлэл байгаа юм. Энэхүү тоо баримт үнэн бол “Хүннү лорд” компани жуулчдыг айлган сүрдүүлж, залилах замаар их хэмжээний орлого олсон нь тодорхой болно. Ямартай ч гадны иргэдийг залилаж, хилийн хяналтын бүсэд сэтгүүл худалдаалсан нь энэхүү хууль бус үйлдэлийг АТГ-аас шалгаж байгаа гэх мэдээлэл ч байгаа юм.
Сэтгэгдэл (3)