Хөдөө, орон нутгийн замд жолооч нар хурд хэтрүүлснээс болж осолдож, амь насаа алдсаар байна.
Өчигдөр Хэнтий аймгийн Баянхутаг сумын Жаргалант багийн “Бор хоолой” гэдэг газар авто замын зорчих хэсгийн хажуу руу “Ниссан Навара” загварын суудлын автомашин онхолдож, автомашины эд ангид хоёр хүн хавчуулагдаж нас барсан хэрэг гарчээ.
Энэ тухай дуудлага өчигдөр орой 23:30 цагийн үед Онцгой байдлын Ерөнхий газарт ирсэн байна. Дуудлагын дагуу Хэнтий аймгийн Онцгой байдлын газрын албан хаагчид ажиллаж, 42 настай, эрэгтэй Б, 27 настай, эрэгтэй Э нар эд ангид хавчуулагдаж нас барсан байсныг гаргаж, цогцсыг аймгийн Цагдаагийн газарт хүлээлгэн өгчээ.
Тиймээс жолооч нарыг орон нутгийн замд хурдаа тохируулж явахыг албаны хүмүүс анхааруулж байна.
Сэтгэгдэл (2)