Баянгол дүүргийн 13 дугаар хорооны нутаг дэвсгэр 2в байрны орчимд утсаа залилуулсан хэрэг гарчээ.

Тус байранд оршин суух 10 настай, эмэгтэй Х-ийн гар утсыг шар сортой тайрмал үстэй, шар царайтай, хар хувцастай үл таних эмэгтэй “Буяны байгууллагаас явж байна. Ном уншуулчихаад та нарт мөнгө өгнө. Гар утсаа түр өгч байгаач” хэмээн залилан авч явжээ.

Уг хэргийг Баянгол дүүргийн цагдаагийн хоёрдугаар хэлтэст шалгаж байгаа аж. Тиймээс  эцэг, эхчүүд хүүхдэдээ тавих анхаарал, хараа хяналтаа сайжруулах, үл таних хүнтэй болгоомжтой харьцахыг захих, болзошгүй гэмт хэргийн золиос болохоос сэргийлэхийг цагдаагийн байгууллагаас анхааруулж байна.