Өнөөдөр 10.00 цагаас Монголын шүүх шударга шүүх байх ёстой гэсэн уриан доор иргэд нэгдэж Баянзүрх дүүргийн шүүхийн гадаа жагсаал хийхээр болжээ.

Эдгээр иргэд дүүргийн шүүхийн хууль бус үйл ажиллагаанаас гадна Ерөнхий сайдын ахлах зөвлөхөөр ажиллаж байсан Л.Гансүхийн шүүх хурлыг хорих ангид хийж буй асуудалд бухимдалтай байгаагаа илэрхийлсэн юм.

Л.Гансүх нь “Нүүрс” хөтөлбөрөөс их хэмжээний мөнгө завшсан, албан тушаалаа урвуулан ашигласан хэрэгт холбогдуулан шалгаж байгаа билээ. Харин Л.Гансүх нь улс төрийн зорилгоор намайг хорилоо хэмээн мэдэгдэж байгаа бөгөөд өлсгөлөн зарлаж улмаар батлан даалтад гарсан юм.

Л.Гансүх одоогоор албан ёсоор хэрэг нь батлагдчихсан хоригдол биш. Гэтэл сэжигтэнийг шууд хорьж, шүүх хурлыг нь хорих ангид хийж байгаа нь хүний эрхийг дээд зэргээр зөрчсөн үйлдэл гэдгийг түүний өмгөөлөгч Ц.Баасандорж мэдээлж байгаа билээ.