Өнөөдөр 10.00 цагаас Монголын шүүх шударга шүүх байх ёстой гэсэн уриан доор иргэд нэгдэж Баянзүрх дүүргийн шүүхийн гадаа жагсаал хийж байна.

Эдгээр иргэд дүүргийн шүүхийн хууль бус үйл ажиллагаанаас гадна Ерөнхий сайдын ахлах зөвлөхөөр ажиллаж байсан Л.Гансүхийн шүүх хурлыг хорих ангид хийж буй асуудалд бухимдалтай байгаагаа илэрхийлсэн юм.

Тэгвэл жагсаалд оролцож байгаа Дархан Уул аймгийн Дархан сумын 3-р багийн иргэн С.Наранцэцэгтэй холбогдоход "Л.Гансүх зөвлөхийн шүүх хурлыг нээлттэй хийлгэж өгөхийг иргэдийн зүгээс хүсч Эрүүгийн нэгдүгээр шүүхийн даргад хүсэлт гаргасан. Хүсэлтийнхээ хариуг яг одоо авах гэж байна. Бид бүхэн жагсаал цуглаанаа хийх гээд Баянзүрх дүүргийн засаг дарга Д.Пүрэвдаваагаас зөвшөөрлөө авсан. Өнөөдөр шүүхийн гаднах талбайд жагсаал цуглаанаа зохион байгуулж байна. Шүүх хурлыг нээлттэй болгохыг уриалсан 50 гаруй хүн энд жагсаж байна" гэв.

Д.Ундрах /24tsag.mn/