Төрийн албанд хуурамч диплом ашиглан шургалсан хүмүүсийн булхиа илэрчээ.

Тодруулбал Дорнод аймгийн аудитын газрын шалгалтаар аймгийн ЗДТГ-ын болон Хэрлэн сумын ЗДТГ-ын нэр бүхий түшмэдүүд хуурамч дипломтойгоор төрийн албанд ажиллаж байсан болох нь илэрсэн байна. 

Тиймээс хуурамч дипломтой албан хаагч нарын дипломыг хүчингүй болгох саналыг салбарын сайдад нь хүргүүлжээ. 

Эдгээр хүмүүсийн дотор улс төрийн томоохон албан тушаалтнууд болон нягтлангууд байжээ. Мөн агентлаг хэлтсийн дарга нарын томилгоо хууль зөрсөн болох нь мөн тогтоогдсон аж. 

Энэ мэтээр төрийн албанд ажиллаж байгаа хүмүүсээс хуурамч дипломтой гэгдэх асуудал дэлгэгдэх болсон нь олны анхаарлыг татаж, төрийн байгууллагын нэр хүнд үнэгүйдэх шалтгаан болсоор байгаа юм.