“Гал үндэстэн” холбооны гишүүд өнөөдөр хэвлэлийн хурал хийлээ.

Тус холбооны  7 гишүүн шүүхээр яллагдан хоригдсоноос Г.Болдбаатар эрүүл мэндийн байдал муу, амьдрах чадваргүй гэсэн дүгнэлтээр суллагдаад байгаа билээ.

Мөн С. Дашцэрэн, О.Самбуу-Ёндон нар  удаан хоригдсоноос болж эрүүл мэндийн муудан, нас барсан юм. Тиймээс талийгаачдын ар гэрийнхэнд туслах зорилгоор хандив өргөх, Г.Болдбаатарт гадаадад эмчлүүлэх эмчилгээний зардал цуглуулах тусламж хүссэн уриалга гаргаж байгаагаа холбооны гишүүд мэдээллээ.

“Гал үндэстэн” холбооны дэд тэргүүн Я.Хундаганайм, Өршөөлийн тухай хуулийн 177.1 дүгээр заалтаар Ц. Мөнхбаяр, Д. Төмөрбаатар нар суллагдах боломжтой гэж үзэж байгаа аж. 

Тус холбооныхон дээрх асуудлаар тайван замын жагсаал хийхээр зөвшөөрөл хүссэн боловч холбогдох байгууллагаас олгоогүй байна. Тиймээс  энэ сарын 16-ны өдөр хэвлэлийн бага хурал дахин хийхээ мэдэгдсэн юм.