Гэртээ харьж явсан хүүхдүүдийг хутга гарган сүрдүүлж, дээрэмдсэн хэрэг гарчээ. 

Тодруулбал,  өнгөрсөн шөнө Баянгол дүүргийн 8,10,13-дугаар  хороодод 00:00 цагаас 03:00 цагийн хооронд гэртээ харьж явсан хүүхэд залуучуудыг хутга мэс гарган сүрдүүлж, зодож өмсч явсан пүүз хувцас, гар утас, мөнгө болон бусад зүйлсийг дээрэмдсэн хэрэг гарчээ. 

Гэмт хэрэгтнүүдийг Баянгол дүүрэг дэх цагдаагийн хэсгийн хэв журмийн цагдаагийн албан хаагчид шуурхай баривчилсан байна. 
 

Хэргийг Төвийн аймгаас Улаанбаатар хотод суралцахаар ирсэн 18-20 насны М.Т.О.П нар нь бүлэглэн үйлдсэн байжээ. Тиймээс оройн цагаар гэрэлтүүлэггүй газраар явахдаа анхаарал болгоомжтой байхыг цагдаагийн байгууллагаас анхааруулж байна.