Улаанбаатар хотын авто замын сүлжээг сайжруулах, шинээр суурьшиж байгаа гэр хорооллыг хотын төвтэй холбох зорилгоор дөрвөн байршилд авто зам шинээр барихаар төлөвлөж байна.

 Тодруулбал Сонгинохайрхан дүүрэг, 23 дугаар хорооны нутагт 0.89 км авто зам Баянзүрх дүүрэг,  Нарны замыг “Өгөөмөр” авто худалдааны төвийн зүүн талаар “Нарантуул” олон улсын худалдааны төвийн арын гэр хорооллын дахин төлөвлөлтийн авто замтай холбох,Баянзүрх дүүрэг, Бөхийн өргөөний зүүн талаар явсан авто замыг Дамдинсүрэнгийн гудамжтай холбох, Сүхбаатар дүүрэг, Оюутны гудамжийг Бээжингийн гудамжтай холбох авто замыг  шинээр  барих юм.

Эхний ээлжинд Сонгинохайрхан дүүргийн 23 дугаар хорооны нутаг дэвсгэрт байрлах 34 дүгээр байрны хойд талын гүүрнээс хойш явсан асфальтан замын төгсгөлөөс 23 дугаар хороо руу өгссөн Хангай захын урдуур шинээр баригдсан авто замтай холбосон 0.89 км авто замыг “Нийтийн үйлчилгээний Улаанбаатар нэгтгэл” ОНӨААТҮГ барьж, ирэх 10 дугаар сарын 20-нд хүлээлгэн өгнө хэмээн албаныхан мэдээллээ.