ГССҮТ-ийн дарга З.Мэндсайхан үүрэгт ажлаасаа чөлөөлөгдөөд байгаа билээ. Тэгвэл тус эмнэлгийн даргын түр орлон гүйцэтгэгчээр Яаралтай тусламжийн тасгийн эрхлэгч Б.Бат-Оргилыг томилжээ.
 

Үүнтэй холбоотойгоор Эрүүл мэнд, спортын сайд ГССҮТ-ийн эмч, мэргэжилтнүүдтэй уулзахдаа өмнөх удирдлагын гаргасан алдаа дутагдал, хууль бус үйл ажиллагаануудыг даруй таслан зогсоохыг үүрэгдсэн байна. 
 

Тухайлбал Гэмтэл согог судлалын өмнөх удирдлагууд Н.Алтанхуяг сайдын Засгийн газрын үед өгсөн үүрэг даалгаврыг одоо болтол ажил хэрэг болгоогүй, тус эмнэлгийн гадна талбайд авто машины зогсоол, яаралтай түргэний тэрэг орж гарах замын урсгалыг хааж хувийн байгууллагад газар олгосон зэрэг асуудлуудыг яаралтай шийдвэрлэхийг үүрэг болголоо.

Шаардлагатай бол Цагдаагийн байгууллага болоод дүүргийн удирдлагуудтай хамтарч асуудлыг шийдэрлэхийг анхааруулсан байна.