Ашигт малтмалын газар Тендерийн материалыг хүлээж авахдаа цаг хугацаанд нь аваагүй аж.

Энэ талаар өнөөдөр "Баян газрын хишиг” ХХК-ийн хуулийн зөвлөх Б. Сугар, “Ундрах өргөө” ХХК-ийн хууль зөвлөх Б.Баттуул нар мэдээлэл хийлээ. 

Аж ажуйн нэгжүүд  Тендерийн материалаа өгөх гэхээр АТГ-ийн ахлах мэргэжилтэн Г.Пүрэвжав гэх хүн “Материалаа өгөөгүй байгаа хүмүүс гараад хүлээж байгаараа, материалуудыг чинь авна" гэж хэлээд хаалгаа бариад оруулаагүйгээс болж 16 аж ахуйн нэгж материалаа өгч чадаагүй байна. 

Энэ нь Шударга өрсөлдөөний тухай хуулийн 13 дугаар зүйлийн 2.7 зааснаар аль нэг аж ахуй эрхэлэгчид давуу байдал олгоход чиглэсэн үйл ажиллагаан явуулахыг хориглоно гэснийг ноцтой зөрчсөн үйлдэл болж байгаа аж. Мөн АМГ нь ашиг сонирхолын зөрчил гаргаж байна. Иймээс материалаа өгч чадаагүй аж ахуйн нэгжүүд хамтарч тэмцэхээ мэдэгдсэн юм.

Түүнчлэн энэ үеэр “Баян газар” компанийн хуулийн зөвлөх Б.Сугар "Сонгон шалгаруулалтыг хууль бус явуулах байсан бол ил тод зарлах шаардлагагүй. Ашигт малтмалын газрын дарга хууль бус үйлдлээ зогсоох хэрэгтэй. Бусад компаниудад шударга өрсөлдөх боломжоор нь хангах хэрэгтэй байна. Энэ асуудлаар Уул уурхайн яам, Шударга өрсөлдөөний хэрэглэгчийн төлөө газар, Ашигт малтмалын газарт хамтарсан мэдэгдэл  хүргүүлнэ. Мөн Авилгатай тэмцэх газарт материалаа хүргүүлж, шалгуулахаар хүсэлт гарсан. Иймээс энэ асуудлыг хуулийн дагуу  шийдвэрлэх байх" хэмээсэн юм.