Нийслэлийн 1800 иргэнийг үнэ төлбөргүй англи хэлжүүлэхээр гадаадад суралцаж буй залуус маань “Англи хэлтэй Дүүрэг-2015” аяныг эхлүүлээд байгаа билээ. Тэгвэл тус аяны хүрээнд дүүрэг бүрээс нийт 200 иргэдийг хороодуудаар нь дамжуулан тодруулж, өнөөдөр түвшин тогтоох шалгалт авах гэж байгаа тухай тус аяны менежер С.Солонготой ярилцлаа. 

Аяны үйл явц өнөөдөр ямар шатандаа явж байна?

Нийслэлийн дүүргүүдийг 2 хувааж бид өнөөдөр буюу 2015.10.01-нд эхний шатанд хамрагдаж буй Баянгол, Сүхбаатар, Чингэлтэй, Хан-Уул дүүргүүдийн нийт 800 иргэдээс тухайн дүүрэг бүрт зохион байгуулагдах сургалтын байруудад нь шалгалт авахаар бэлтгэл ажлаа хангаад байна.

Шалгалт хэдэн цагаас, хаана эхлэх вэ?

Дүүрэг тус бүрийн сургалт явагдах байруудад дүүргээс тус аяныг хариуцсан 1 ажилтан, манай зүгээс дүүрэг хариуцсан 1 менежер өдрийн 13.00 цагаас оройны 18.00 цаг хүртэл шалгалт авах болно. Энэ хооронд харьяа дүүргийн иргэд очиж шалгалтаа өгнө. ХУД-н иргэд дүүргийн соёлын ордонд, БГД-н иргэд 5-р хороонд, СБД-н иргэд 4-р сургууль дээр, ЧД-н иргэд 1-р хороонд тус тус очиж шалгалтаа өгнө.

Дүүргийн иргэд өөрсдийн нэрсийг шалгарсан эсэхээ болон хаана шалгалт өгөхөө яаж мэдэх вэ?

Дүүрэг тус бүр англи хэл сурахыг хүссэн иргэдээс шударгаар 170 иргэдийг тодруулж, тэдний нэрсийг бидэнд ирүүлсэн байгаа. Харин үлдсэн 30 иргэдийг нийслэлийн хүүхэд, гэр бүлийн хөгжлийн төвөөс нийгмийн эмзэг давхаргын хүүхдүүдийн нэрсийг өгснөөр 200 иргэд маань бүрдэж байна. Эдгээр иргэдэд өчигдөр манай хамт олон нэг бүрчлэн утасдаж мөн интернет хуудсаар мэдээллэсэн болно.

Шалгалтын хариугаа яаж авах вэ?

Шалгалтын хариу тэр өдрөө засагдаж манай интернет хуудаснаа тавигдахаас гадна маргааш буюу 2015.10.02-ны 09.00 цагт нийслэлийн иргэний танхимд болох “Англи хэлтэй дүүрэг-2015” аяны нээлтийн арга хэмжээнд очиж хариугаа болон сургалтанд хамрагдах эрхийн бичгээ авна.

Сургалт хэзээ эхлэх вэ?

Эхний ээлжний дүүргүүд 2015.10.02-нд эхэлж байна.

Дэлгэрэнгүй мэдээллийг хаанаас авах вэ?

Манай 70117834, 80080828, 89959500 гэсэн дугааруудаас болон facebook-н “Англи хэлтэй Дүүрэг-2015” гэсэн хуудаснаас авч болно.