Ард олноо Өвгөн Гэсэр лам хэмээн өргөмжлөгдсөн Цэвээн-Арашийн Чүлтэмжамцын шавь цорж аграмба Санжайжавын занданшсан шүтээн биеийг Гандантэгчэнлин хийдийн хамгийн том дуганд залж, сүсэгтэн олонд авшиг жанлав хүртээж эхэлжээ.
Энэ ажил маргааш мөн үргэлжлэх юм байна. Уг шүтээнийг энэ сарын 24-нд төрөлх нутагт нь буюу Архангай аймагт залах юм. Харин нутаг руу нь залахаас нь өмнө буюу өнөөдөр маргааш шүтээнийг Гандантэгчэнлин хийдэд олны өмнө ил гаргаж, сүсэгтэн олон мөргөх боломж олгож байгаа нь энэ ажээ.
Өнөөдрийг хүртэл түүхэнд занданшуулах үйлийг хөндлөнгөөс гүйцэтгэдэг байсан гэдэг бол өвгөн гэсэр лам Ц.Чүлтэмжамц, аграмба Р.Санжайжав нар нь өөрсдийн увдисаар зандашсан гэдгийг эрдэмтэн судлаачид тогтоожээ.
