Монголын Оюутны Холбооны ерөнхийлөгч Д.Батбаяр өнөөдөр мэдээлэл хийлээ. НИТХ-ын өчигдрийн хуралдаанаар их, дээд сургууль, коллеж, мэргэжлийн сургалт үйлдвэрлэлийн төвийн сурагч, оюутанд нийтийн тээврийн цахим төлбөрийн карт олгох, цэнэглэх, ашиглахад баримтлах журмыг хэлэлцэн баталсан.

Өөрөөр хэлбэл, оюутнуудын сургуульдаа ирж, очих нийтийн тээврийн зардлыг нийслэлийн төсвөөс санхүүжүүлэхээр болсон нь НИТХ оюутнуудын эрхийг зөрчсөн үйлдлээ хаацайлах журам болсон гэдгийг МОХ-ноос мэдэгдэв.  Энэ талаар МОХ-ны ерөнхийлөгч Д.Батбаяр "Нийслэлийн удирдлага, увайгүй, үеэ өнгөрөөсөн улс төрчдийн зүгээс хууль тогтоомжийг уландаа гишгэлж, оюутан залуусыг басамжлан доромжилж, оюутны суралцах эрхийг бүдүүлгээр зөрчсөн үйлдэл нь энэхүү мэдэгдэлийг хийхэд хүргэлээ" хэмээв. 

Тэрбээр мэдэгдэлдээ: 

2015 оны аравдугаар сарын 22-ны өдөр НИТХ-аас гаргасан хууль бус шийдвэр нь оюутны хууль тогтоомжоор олгогдсон эрхийг бүдүүлгээр зөрчиж, оюутнуудад олон сая төгрөгийн хохирол учруулж, нийтийн тээврийн хэрэгслээр зорчих эрхийг нь хоёр cap хассан үйлдлээ хаацайлах журам гаргасан нь ирээдүй рүүгээ нулимсан арчаагүй үйлдэл боллоо.

Нийслэлийн Засаг дарга Э.Бат-Үүл болон бусад эрх мэдэл бүхий улс төрчид хэвлэл, мэдээллийн хэрэгслээр үйл ажиллагаагаа хууль, журмын дагуу явуулж байгаа МОХ-ны нэр хүндэд халдсан. MOX-ны удирдлагыг гэмт хэрэгтэн мэт, шүүгдэгч мэтээр зарлаж, ташаа мэдээлэл өгсөн нь байгууллага, хүний эрхийг бүдүүлгээр зөрчлөө.

Иймд MOX болон МОХ-ны удирдлагын зүгээс нэр төрөө сэргээлгэхээр шүүх, хяналтын байгууллагад хандахаа илэрхийлж байна. Мөн Нийслэлийн Засаг дарга Э.Бат-Үүлийг МОХ болон нийт оюутан залуусаас уучлалт гуйхыг ШААРДАЖ байна гэсэн юм. 

Түүнчлэн "MOX нь үүсэн байгуулагдаж, үйл ажиллагаа явуулсаар ирсэн 72 жилийн түүхэндээ олон мянган ажлуудыг хийсэн нь эх орны хөгжлийн суурь бодлогын хэсэг болж уураг тархи, хүний нөөцийн бүтцийг бүрдүүлж чадсан гавъяатай" гэж онцлоод улс төрчдийн увайгүй үйл, хүч түрсэн шийдвэрээроюутны суралцах эрхийг хязгаарлаж, боомилох ажиллагааг эсэргүүцсэн боловч таслан зогсоож чадаагүй үйлдэлдээ МОХ-ны Ерөнхийлөгчийн хувьд Монголын нийт оюутнуудаас хүлцэл өчиж байна" гэжээ.