Сүхбаатар дүүргийн Сэлбэ гол дээрх Шарга морьтын 50 у/м төмөрбетон хос гүүрийг байнгын ашиглалтад оруулах, Дамбадаржаа-Шадивлан-Хандгайт чиглэлийн явган хүний зам, дугуйн замтай, иж бүрэн гэрэлтүүлэгтэй 16,35 км автозамын хөдөлгөөнийг өчигдөр нээв.

Өнгөрсөн зургаадугаар сараас засч эхэлсэн зуслангийн замын ажил дуусч, ийнхүү нээлтээ хийсэн байна.  Дамбадаржаа-Шаргаморьт-Хандгайтын чиглэлийн 16.35 км энэхүү замыг анх баригдснаас нь хойш ийнхүү 40 гаруй жилийн дараа бүрэн шинэчилж засжээ.

Зуслангийн шинэ зам дагууд 51 цэгт автобусны буудал, 44 цэгт ус зайлуулах төмөр бетон хоолой, гадаргуугийн ус зайлуулах лоток, нийт зам, замын байгууламжийг дагасан  хоёр талдаа гэрэлтүүлгийн ажлын хамт барьж инженерийн олон хос шийдлийг гаргасан байна. Тус замын засвар шинэчлэлийн ажлыг 6 компани хамтран гүйцэтгэжээ.