Энэ оны эхний есөн сарын байдлаар Улаанбаатар хотын гүний гаалийн талбайгаар 65 аж ахуй нэгжийн 2587.8 тонн бэлэн хоол, 58 аж ахуй нэгжийн 360.2 тонн чипс импортолсон байна. 

Энэ талаар НМХГ-ын ЭИХХ-ээс “Импортын бэлэн гоймон, чипсний хэрэглээ” сэдэвт сургалт хэлэлцүүлэг зохион байгуулах үеэр таницууллаа.  Тус арга хэмжээнд бэлэн хоол , чипс импортлогч нийт 25 аж ахуй нэгж, иргэн, стандарт чанарын хяналтын улсын байцаагчид оролцсон байна.

Сургалтын үеэр Монгол Улсад импортоор орж ирсэн бэлэн гоймон, чипсний хэрэглээ, хаяг шошгоны стандарт, тухайн бүтээгдэхүүнийг хэрхэн зөв хадгалах, тээвэрлэх зэрэг асуудлаар нээлттэй хэлэлцжээ. 

Тус судалгааны гол зорилго нь бэлэн хоол чипсний биологийн үнэт чанарыг тодорхойлох, хэрэглэгчдэд үнэн зөв мэдээллийг хүргэх, эрх зүйн орчинг бүрдүүлэх явдал байсан аж.