"Их, дээд сургуулиудын оюутны нэгдэл” МОХ-ны удирдлагууд оюутнуудаас их хэмжээний мөнгө хурааж, олон зуун сая төгрөгийн хохирол учруулсан, хууль бус чуулган хуралдуулж, ерөнхийлөгчөө сонгосон талаар мэдээлэл хийв.

МОХ-ны хуучин удирдлагууд энэ сарын 25-ны өдөр "Оюутны эрх" нэртэй ээлжит бус чуулганыг хуралдуулж, МОХ-ны дараагийн ерөнхийлөгчөөр Н.Удаанжаргалыг сонгосон нь хууль бус үйлдэл болсон гэдгийг оюутны төлөөлөл онцолсон. 

МОХ-ны ээлжит бус чуулганд хувийн томоохон сургуулиудын төлөөлөл оролцоогүй аж. Нийт их дээд сургуулийн оюутныг төлөөлөхүйц төлөөлөгч оролцоогүй учир дээрх чуулганыг хүчин төгөлдөр бус чуулган гэж үзэж байгаа юм байна.

МОХ-ны удирдлагуудын хууль бус үйлдэл хэрээс хэтэрч байгаа тул тэдний энэ мэт үйлдлийг таслан зогсоох учиртай хэмээн оюутнуудын төлөөлөл холбооныхоо хяналтын зөвлөлд хандаж, чуулганаа хуралдуулж оюутны жинхэнэ төлөөлөл болсон оюутан удирдлагуудыг сонгосон ч МОХ-ны хуучин удирдлагууд нь мянга мянган оюутны санал итгэл үнэмшлийг уландаа гишгэж, тамга тэмдэгээ өгөхгүй байсаар ийнхүү дараагийн хууль бус чуулганыг хуралдуулж, өөрсдийн хүнийг ерөнхийлөгчөөр сонгосон явдалд бухмидалтай буйгаар илэрхийлсэн юм. 

Түүнчлэн энэ оны хавар МОХ-ноос 8900 төгрөгөөр бүх оюутан смарт карт захиалсан. Гэтэл нийслэлээс 3600 төгрөгийн смарт картаар явна гэж мэдэгдсэн. Энэ асуудалд МОХ-ны удирдлага өөрсдөө дур мэдэн боловсролын яамны нэрийг барьж оюутнуудыг хохироосон. Нийт 800 орчим сая төгрөг хаачив? МОХ-ны ерөнхийлөгч асан Батбаяр ажлаа өгөөд, өнөөдөр хариуцлагаас зугтах хандлага ажиглагдаж байна.

Монголын оюутны холбоо хувийн амбиц хөөсөн, намчирхсан байгууллага байсаар ирсэн. Ийм байдлаар явна гэж байхгүй шүү, бид чанга хатуу хяналт тавина. Ер нь Монгол Ардын намын залуучуудын удирддаг байгууллага байсан гэдэг нь тодорхой болчихлоо. Цаашид ийм байдлаараа удирдана гэвэл андуурч байна. Бид боломж олгохгүй” гэх мэдээллийг өглөө. 

МОХ-ны ерөнхийлөгч хэмээн зарлагдсан Н.Удаанжаргал нь МОХ-ны дэд ерөнхийлөгч, хуучнаар Гадаадын иргэн харьяат, одоогийн Иргэний харьяалал, шилжилт хөдөлгөөний ерөнхий газрын дарга, СЗХ-ны тамгын газрын дарга, Иргэний нисэхийн ерөнхий газрын Гаалийн газрын даргаар тус тус ажиллаж байсан, МАН-ын тодотголтой нэгэн юм байна. 

Энэ бүгд нь МОХ-ны удирдлагууд МАН-ын "утсан хүүхэлдэй" гэдгийг илчилж байгаа аж.  

Б.Энхжин