08:30 цагт МБҮА-ийн хурлын танхимд /Их дэлдүүрийн ертөнцийн зүгээр зүүн талд Гандирс цамхаг “Евро стандарт барилгын салбарын хөгжлийн гарц сэдэвт уулзалт” болно.
Уулзалтанд БХБЯ-ны сайд З.Баянсэлэнгэ, Барилгын хөгжлийн төвийн захирал Б.Баярсайхан, ТОСК Ерөнхий захирал Гантулга зэрэг барилгийн салбарийн томоохон гишүүд оролцоно. Монгол орны эдийн засагт тэргүүлэгч хөдөлгөх хүчний нэг Барилгын салбарын төлөөлөл бодлого боловсруулагч, шийдвэр гаргагчид, компаниудтай уулзаж тэдэнд тулгамдаж байгаа асуудлууд болон түүнийг шийдэх боломж гаргалгааг олох арга замыг эрэлхийлэх юм байна.
08:30 цагт Гадаад хэргийн яаманд Монгол Улсын ШУА, Исламын Бүгд Найрамдах Иран Улс / ИБНИУ/-ын ГХЯ-ны Сургалт, судалгааны төв хамтран зохион байгуулж буй олон улсын эрдэм шинжилгээний хурал үргэлжилнэ. "Азийн соёл иргэншлийн үнэт зүйлс Гэрэгэ” сэдвийн дор зохион байгуулж буй тус хуралд ИБНИУ-ын эрдэмтдээс гадна Япон, Солонгос, Казахстан, ОХУ, БНХАУ, БНТУ, БНЭУ зэрэг 9 орны 30 орчим нэр хүндтэй эрдэмтэн, судлаач оролцож сонирхолтой илтгэл хэлэлцүүлж байна.
09:00 цагт “Улаанбаатар” рестораны 5 давхар, “Хөх асар” танхимд Хүүхдийн төлөө үндэсний газар Хүүхэд, гэр бүлийн салбарын захиргааны статистик үзүүлэлт боловсруулах ажлын уулзалт, хэлэлцүүлгийг зохион байгуулах гэж байна. Хэлэлцүүлгээр Хүүхэд, гэр бүлийн салбарын захиргааны статистик үзүүлэлтийг Үндэсний статистикийн хорооны арга зүйн байнгын зөвлөлийн хуралд танилцуулахад бэлтгэх мөн Хүүхэд, гэр бүлийн салбарын захиргааны статистик үзүүлэлтийн ойлголт, тодорхойлолтыг нэг бүрчлэн хэлэлцэх зорилоготой юм.
09:30 цагт Бэст Вестерн Зочид Буудалд Компанийн засаглалын хөгжлийн төв болон Олон Улсын Санхүүгийн корпораци хамтран Монголын Компанийн засаглалын чуулганыг 8 дахь удаагаа зохион байгуулах гэж байна. Монголын засгийн газрын агентлагуудын удирдлагууд, бодлого боловсруулагчид, төрийн болон хувьцаат компанийн захирал, ТУЗ-ийн гишүүд, олон улсын байгууллагын төлөөллүүд, хэвлэл мэдээллийн төлөөллүүд Чуулганд оролцоно.
10.00 цагт Мэдээллийн Технологийн Үндэсний Паркт “Maker’s Week Mongolia” /Үйлдвэрлэгч буюу Бүтээгчдийн 7 хоног/-ийн арга хэмжээний хүрээнд “Fab lab” буюу “3D принтер”-ийн лаборатори шинээр нээгдэн, нээлтээ хийх гэж байна. Тус нээлтийн арга хэмжээнд Аж үйлдвэрийн яам, БШУЯ, МТШХХГ, ШУТИС болон МУИС-аас төлөөлөл оролцон, шинээр нээгдэж байгаа “Fab lab”-тай танилцах болно.
11:00 цагт Уул уурхайн яамны хурлын танхимд "Ил тод уул уурхай" хэвлэлийн хуралтай. Уул уурхайн сайд, Газрын тос, Ашигт малтмалын газар, ЭТТ удирдлага оролцоно.
11:00 цагт Сонгинохайрхан дүүрэг дээр тус дүүргийн Залуучуудын холбооны залуус Үндэсний "Өгөх өдөр"-ийн хүрээнд Самар зардаг бяцхан охины аав, ээжийг нь ажилд оруулан, дүүг нь цэцэрлэгт хамруулах болсон тухай мэдээлэл хийн, Зулаа охины гэр бүлд үзүүлж байгаа олон талт тусламжийг гардуулан өгнө.
