Нийслэлийн иргэдийн төлөөлөгчдийн хурлын ээлжит хуралдаан өнөөдөр боллоо.

Хуралдаанаар ирэх онд иргэдэд гэр бүлийн хэрэгцээний зориулалтаар 68 байршилд газар өмчлүүлэх асуудлыг хэлэлцэн батлав.

Эдгээр 68 байршлын дэд бүтэц, газарзүйн байрлал зэрэгт судалгаа, шинжилгээ явуулсны дүнд сонгожээ. Ирэх оны тавдугаар сараас иргэдэд гэр бүлийн хэрэгцээгээр өмчлүүлэх газруудын байршлыг гаргажээ. 

Сонгинохайрхан дүүргийн 12 байршилд 2000 гаруй га, Хан Уул дүүрэгт гурван байршилд 421.6 га, Налайх дүүргийн дөрвөн байршилд 3600 гаруй га, Багахангай дүүргийн 17 байршилд 3800 гаруй га, Багануур дүүргийн 32 байршилд 11 мянга гаруй га газрыг ирэх онд иргэдэд өмчлүүлэхээр болжээ.