Сүүлийн үед цагдаагийн алба хаагчид гэмт хэрэг, зөрчилд холбогдсон тохиолдол цөөнгүй гарах болсон. Үүнтэй холбоотойгоор Цагдаагийн ерөнхий газрын зөвлөлийн хурлаар боловсон хүчний сонгон шалгаруулалтын нэлээн том реформ хэрэгжүүлж эхлэх талаар ярилцаж, шийдвэрээ гаргажээ.

Тухайлбал, цагдаагийн байгууллагаас боловсон хүчний заавар, журмыг шинээр ажилд орж байгаа хүмүүс хангаж байна уу гэдэг асуудлыг эргэж харах,   илүү чангатгая, полиграфийн аппаратаар шалгадаг болъё хэмээн ярилцаж шийдэж байхаар болжээ. Өөрөөр хэлбэл, боловсон хүчний сонгон шалгаруулалтын нэлээн том реформ эхэлж байна.