Жил гаруйн өмнө буюу өнгөрсөн оны арваннэгдүгээр сард ЦЕГ-ын даргаар Р.Чингисийг томилсон. Гэвч түүнийг даргаар томилогдсоны дараагаас цагдаагийн алба хаагчидтай холбоотой  таагүй мэдээлэл тасраагүй. Өөрөөр хэлбэл, цагдаагийн алба хаагчид танхайрч, хүний аминд хүрсэн нь нийгэмд ил гараад буй.

Тэгвэл үүнтэй холбоотойгоор ЦЕГ-ын даргын суудал ганхаж эхэлсэн хэмээн эх сурвалжууд онцлоод байгаа.  Өдгөө Хууль зүйн яамныхны дунд ЦЕГ-ын дарга Р.Чингисийг албан тушаалаас нь чөлөөлөх  тухай "бор шувуу" нисч байгаа талаар ч хэвлэл мэдээллээр гарч эхэлсэн.

Тэгвэл баттай эх сурвалжаас энэ талаар тодруулахад "Тийм мэдээлэл гарсан байсныг харсан. Энэ бол Монгол Улсын Засгийн газар, Ерөнхий сайдын хэмжээний асуудал. Манай дарга үүргээ гүйцэтгэж байгаа" гэв.

Д.Дуулим