Халх гол чөлөөт бүсийн асуудал дэгдэж байгаа энэ үед Халх голд нэг ч иргэн газар эзэмшдэггүй гэх зэргээр янз бүрийн мэдээлэл гарч байгаа.

Гэтэл Дорнод аймгийн Халхгол сумын ИТХ-ын Тэргүүлэгчид 2009 онд “Хансоломо” компанид тэжээлийн ургамал тариалах зорилгоор 30 мянган гектар газрыг олгосон тогтоол байдаг нь багагүй асуудал үүсгэх нь.

Тогтоол гаргасан өдрөө Засаг дарга нь захирамж гаргаж, компанид газар ашиглах эрхийн гэрчилгээг олгосон байдаг.

Удмаар Халх гол сумын засаг дарга В.Мөнхтайван 2013 онд “Соёмбо буудай” компанид 1631.2 га газрыг олгосон захирамж гаргажээ. Энэхүү компани нь БНХАУ-ын хөрөнгө оруулалттай ч өнгөрсөн есдүгээр сард Халхголын асуудал босох үед компанийг монгол хүний нэр дээр шилжүүлсэн байна.

Энэ бүхэн ил болсоноор иргэд Халх голын засаг ноёд анхнаасаа Халх голын газрыг бусдад түрээслүүлж, эзэмшүүлэх зорилготой байсан гэцгээж байгаа юм.

24tsag.mn