Иргэн Б.Цогтгэрэл Хөгжлийн банкны гүйцэтгэх захирал Н.Мөнхбатыг АТГ-т шалгуулах хүсэлтийг өнөөдөр АТГ-т хүргүүлжээ.

Хөгжлийн банкны удирдлагуудыг 170 орчим тэрбум төгрөгийн хууль бус гүйлгээ хийсэн байж болзошгүй учир ийнхүү шалгуулахаар өргөдөл гаргасан аж.

Түүнчлэн тус өргөдөлд Н.Мөнхбат гүйцэтгэх захиралтай Хөгжлийн банктай холбоотой олон ноцтой баримт гарч ирснийг Авлигын эсрэг хуулийн 9.1; 9.2-т заасны дагуу дараах зарлагын гүйлгээнүүдийг шалгуулах хүсэлтэй байна” гэжээ.

Түүнчлэн Хөгжлийн банкны гүйцэтгэх захирал Н.Мөнхбатад таслан сэргийлэх арга хэмжээ авч өгнө үү гэх хүсэлтийг гаргасан байна.  Учир нь энэ төрлийн гүйлгээг дахин хийж болзошгүй, мөн шалгах явцад оргон зайлж болзошгүй хэмээн хардаж байгаа тул ийм хүсэлт гаргасан байна.

Харин АТГ-аас иргэн Б.Цогтгэрэлийн хүсэлтийг хүлээн авах эсэх нь одоогоор тодорхойгүй байгаа юм. 

Хөгжлийн банкны гүйлгээнүүд нь Үндэсний аюулгүй байдлын зөвлөлийн зөвлөмжийг зөрчсөн, УИХ-ын тогтоолыг зөрчсөн, албан тушаалаа урвуулан ашиглаж улсад онц их хэмжээний хохирол учруулсан, бусадтай үгсэн хуйвалдаж, их хэмжээний ашиг олсон, бусдыг хохироосон, мөнгө угаасан, төсвийн мөнгийг зориулалтын бусаар зарцуулсан зэрэг онц ноцтой гэмт хэргийн чанартай байна хэмээн үзжээ.

Хөгжлийн банкны Шилэн данс дахь мэдээлэл:

- 2015.01.28-ны өдрийн Монголын Банкны холбоонд шилжүүлсэн гишүүнчлэлийн татвар болох 6.000.000 төгрөг.

- 2015-02-06-ны өдрийн "Euromoney Institutional Investor Limited"-д 50.956.102 төгрөгийг ТУЗ-ийн гишүүдийн сургалтын төлбөр

- 2015-03-23-ны өдрийн "Pricewaterhouse advisory LLC"-д 55.711.880 төгрөгийн Зээлжих зэрэглэл тогтоолгох зөвлөх үйлчилгээний төлбөрийн 70 хувь.

- 2015-02-26-ны өдрийн "Интернэшнл инвестмент" банкинд 1.140.199.677 төгрөгийн хадгаламжийн хүү төлөлт

- 2015-03-17-ны өдрийн Сангийн яамнаас "Эрдэнэс Оюутолгой" 192.591.000 төгрөгийн хуулийн зөвлөх үйлчилгээ-зээл олгосон гүйлгээ

- 2015-04-17-ны өдрийн Монголын үндэсний олон нийтийн радио телевизэд 18.200.000 төгрөгийн 2/181 тоот гэрээний МҮОНРТВ-ийн нэвтрүүлэг цацалтын төлбөр

- 2015-04-03-ны  өдрийн "Эрдэнэс Оюу толгой" ХХК 680.496.386 төгрөгийн зээл олголт-зөвлөх үйлчилгээний төлбөр

- 2015-06-08-ны өдрийн "International investment bank"-д  1.134.371.250 төгрөгийн хадгаламжийн хүү төлөлт

- 2015-06-11-ний өдрийн  Монголбанк 144.786.809.891 төгрөгийн Векселийн төлбөр

- 2015-06-16-ны өдрийн Монголбанк 1.944.353.401 төгрөгийн Векселийн төлбөр-алданги

- 2015-06-16-ны өдрийн Монголбанк 6.193.938.488 төгрөгийн Векселийн төлбөр

- 2015-07-08-ны өдрийн С.Ган-Эрдэнэ гэгч этгээдэд өгсөн 55.000.000 төгрөгийн ТУЗ-ийн №41 тогтоолын дагуу санхүү дэмжлэг олгосон гүйлгээ

- 2015-08-05 Standart and Poor's Limited – 168.938.813 төгрөгийн Зээлжих зэрэглэл тогтоолгох зардал

- 2015-09-01-ний өдрийн "Маyer Brown"-д 123.594.797 төгрөгийн ВТБ банкны зээлтэй холбоотой хуулийн үйлчилгээний төлбөр

- 2015-09-01 өдрийн “Эрдэнэс Оюутолгой” ХХК 622.888.979 төгрөгийн Зээл олголт

- 2015-09-22-ны өдрийн "Гранд мед" ХХК-д 22.124.500 төгрөгийн 2/469 тоот гэрээ УСҮ-ийн урьдчилгаа төлбөр зэрэг зарлагын гүйлгээнүүд тавигдсан байна.