Баянзүрх дүүргийн Онцгой байдлын хэлтсийн Аврах гал унтраах 35 дугаар ангийн дэд ахлагч Г.Амарбатад Монгол эсгий үйлдвэрлэдэг  “Жонон Мөнх” ХХК-иас давхар бүрээстэй, шалтай таван ханатай монгол гэр бэлэглэжээ.

“Жонон Мөнх” ХХК-ийн байр эзэнгүй байх үеэр өнгөрөгч наймдугаар сарын 22-ны өдөр гал гарч, дүүргийн Онцгой байдлын гал сөнөөгчид цаг алдалгүй очин галыг нь унтрааж, эд хөрөнгийг гамшгаас хамгаалж ажилласан байна.

Тиймээс тус компанийн зүгээс аврах гал унтраах 35 дугаар ангийн аврагчид таван ханатай монгол гэр бэлэглэж, талархалаа илэрхийлжээ.