Хөвсгөл аймгийн ИТХ-ын тэргүүлэгчдийн хуралдаанаар Хатгал тосгоныг сум болгох ажлын хэсэг байгуулагджээ. 

Ажлын хэсгийнхэн аймгийн Иргэдийн төлөөлөгчдийн хурлын ээлжит бус 12-р хуралдаанаар хийж хэрэгжүүлсэн ажлаа төлөөлөгч нарт танилцуулж төлөөлөгч нарын олонхийн саналаар Хатгал тосгоныг сум болгох асуудлыг Монгол Улсын Засгийн газарт хүргүүлэхээр болсон байна.

Хатгал нь тосгон гэсэн статустайн улмаас орон нутгийн сонгуульд оролцох боломжгүй иргэдийн сонгох, сонгогдох эрх зөрчигдөж байгаа, аялал жуулчлалын гол бүс нутаг болсон сумын статусаар хөгжих бүрэн боломжтой, нутгийн иргэдийн 90 гаруй хувь нь сум болгох хүсэлтэйгээ илэрхийлжээ.