Өнгөрсөн шөнө цагдаагийн алба хаагч эмэгтэйн гэр бүлийнхэнд халдаж хоёр хүний амь насыг бүрэлгэж, хоёр хүнийг хүнд гэмтээсэн ноцтой хэрэг гарчээ.
Тодруулбал, Нийслэлийн Баянзүрх дүүргийн Цагдаагийн I хэлтсийн ахлах хэрэг бүртгэгч, хошууч Ц-г өнгөрсөн шөнө 02.00 цагийн үед аавтай нь хамт гэрт нь хутгалж амь насыг нь хөнөөжээ. Тус хэрэгт хохирогчийн төрсөн дүүгийнх нь найз залуу Б-г сэжиглэж байгаа аж.
Учир нь, Хохирогч түүнийг дүүтэйгээ суулгахгүй гэсэн тул ийнхүү харгис гэмт хэрэг үйлдсэн байж болзошгүй гэж үзэж байгаа юм байна. Сэжигтэн хохирогчийн ээж, ахыг нь бас хутгалж гэмтээжээ. Тэдний биеийн байдал нь хүнд, эмнэлэгт хэвтэн эмчлүүлж байгаа аж.
Сэтгэгдэл (24)