Монголчуудын уламжлалт соёл, зан заншлын нэг чухал үйл явдал болох “Зулын 25” буюу Шарын шашныг үндэслэгч Богд Зонхава ламын их дүйчэн өдөр 2015 оны 12 дугаар сарын 6-ны Ням гаригт тохиож байгаа билээ.

Энэ удаагийн дүйчэн өдрийн хурал номыг “СЭТГЭЛИЙН АРИУСЛААС НИЙГМИЙН ХӨГЖИЛ” уриандор зохион байгуулж цугласан хандивыг нийгмийн сайн сайхны төлөө зориулах буянтай үйлийг МБШТөв Гандантэгчэнлин хийд, Монголын Сүсэгтний Холбоо хамтран зохион байгуулж байна. 12 дугаар сарын 6-нд 11 цагаас Буянт Ухаа Цогцолборт болох буян номын үйл ажиллагаанд:

1.НАСНЫ АВШИГ ХАЙРЛАНА.

МБШТөв Гандантэгчэнлин хийдийн Их хамба ламтан Д.Чойжамц хүмүүний насны цөв барцадыг арилгаж насыг уртасгах , өвчин зовлонгоос ангижруулах “Цагаан дарь эх”- ийн насны авшиг хайрлана.

2.БУРХАН БАГШИЙН ЛАГШИНГИЙН ШҮТЭЭН /РИНСРЭЛ/-д МӨРГҮҮЛНЭ

Энэхүү шүтээнд хамаг амьтны төлөө гэсэн гүн бат сэтгэл үүсгэн мөргөвөөс Бурханы авралд багтаж цаглашгүй их буян хураана. 

3. НИЙТ ТҮМЭН ОЛОНД ЗОРИУЛЖ 108 ЛАМ ХУВРАГ АЛТАНГЭРЭЛ СУДАР, ДАШЧИЙРЭВИЙН САН ДАЛЛАГА ХУРНА 

Энэхүү дээдийн номыг нь аливаа улс орон хийгээд дэлхий дахиныг амар амгалантай золгуулах, байгууллага, айл өрх, хувь хүнд холоос олдох олзыг наашлуулж. ойртож ирсэн гарзын үүдийг хааж, эрүүл мэнд, эд хөрөнгө хишиг буяныг даллан авчрах асар их тус эрдэмтэй билээ.

4. “ГАЗАР ХӨДЛӨЛТИЙН АЮУЛААС АВРАХ НОМ ХУРНА

Брагри ёнзин Дамцигдорж ламтан “Сүмбүм” сударт айлдсанаар энэхүү номыг хурах нь газар хөдлөлт тэргүүтэй байгалийн болзошгүй аюул гамшгийг амирлуулах цаглашгүй их тус эрдэмтэй хэмээн айлджээ.

5.ТЭРГҮҮН ИХ ХАМБА Д.ЧОЙЖАМЦ АЙЛДВАР АЙЛДАНА

МБШТөв Гандантэгчэнлин хийдийн их хамба ламтан Д.Чойжамц,цөвүүн цагт хүмүүс бид улс эх орноодаяаршлын салхинд гундаaлгүй. ёс суртахуун, эрүүл мэнд, байгаль экологoo доройтуулалгүй хэрхэн авч явах талаар “Хүний амьдралын утга учир, дээдсээс уламжилсан амар амгаланг бүтээх арга зам” сэдвээр айлдвар айлданa.

6.НИЙТЭЭРЭЭ ДҮНЧҮҮР МААНИ ХӨГЖӨӨНӨ

Энэ өдөр цугласан түмэн нийтээрээ маани хөгжөөх нь“Далайд нэгэн дусал ус хийхэд тэр далайг барагдах хүртэл угдусал байсаар байдгийн адилаар олны буян хэзээ хүртэл оршино тэр цаг хүртэл оролцсон хүний буян нь оршин байх аньс ихтэй буяны үйл юм. 

7. УРЛАГИЙН ТОГЛОЛТ

• МУГЖ- Ш.Чимэдцэеэ- Uvertura хамтлаг 

• МУГЖ С.Батсүх 

• Уртын дуучин М.Дорждагва нар ая дуугаа өргөнө.

Гандантэгчэнлин хийдээс эрхлэн гаргадаг “Билгийн мэлмий”сэтгүүл бэлэглэнэ. 

Холбогдох утас:96646694,88403441, 99108215, 89177855, 11-360072