УИХ-ын гишүүн Н.Алтанхуяг Увс аймагт ажиллаж байна. Тэрбээр тус аймагт хэрэгжиж буй гудамж төслийн нээлтэд оролцох аж.

Гудамж төслийн хүрээнд Улаангом хотод 3.2 км автозам, 4 замын уулзварын барилгын ажил дуусч ийнхүү нээлтээ хийхэд бэлэн болсон байна.

Гудамж төсөл өмнө нь Улаанбаатар болон Архангай аймгуудад амжилттай хэрэгжиж иргэдийн талархалыг хүлээсэн ажил болоод байгаа билээ. Н.Алтанхуяг Увс аймагт ажиллаж байгаа талаараа өөрийн цахим хуудаснаа бичиж, "Улаанбаатар хотоос гараад Завхан аймгийн Тосонцэнгэлд ирлээ. Тосонцэнгэл хүртэл 850км зам үндсэндээ хатуу хучилттай болжээ. 21 аймгийг хатуу хучилттай замаар холбох мөрөөдөл маань удахгүй ажил болно оо" хэмээсэн байна.