"Улаанбаатар таймс" сонины хувьчлалын дуулиан тасрахгүй нь. Хэвлэх үйлдвэрийн барилгыг 24 тэрбум төгрөгөөр Монгол Улсын иргэн Абдул Карим худалдаж авсан нь олны анхаарлыг татаж, нэлээд хэл амыг дагуулсан. 

Тухайлбал хэвлэх үйлдвэрийг үнэ цохиж авсан Абдул Карим нь шонхорын наймаачин байсан, Монгол Улсын иргэншилд хэзээ орсон, хувьчлалд оролцсон мөнгөө хаанаас босгосон зэрэг асуултууд урган гарсан билээ.

Мөн тус үйлдвэрийн хувьчлалтай холбоотой дуулиан бол "Ард Санхүүгийн Нэгдэл”-ийн Гүйцэтгэх захирал Ч.Ганхуяг тус үйлдвэрийн барилгыг иргэдтэй хамтраад авах санал гаргаж, залуусыг эгнээндээ нэгтгээд байсан ч хувьчлалд оролцож чадаагүй. Улмаар түүнийг хууль бус үйл ажиллагаа явуулсан гэдгийг Санхүүгийн зохицуулах хорооноос мэдэгдээд байсан юм.

Харин Ч.Ганхуяг өөрийн цахим хуудаснаа "Миний ойлгож байгаагаар Хэвлэх үйлдвэрийн хувьчлалыг эргэн харж байгаа юм байна" хэмээн бичжээ. Чухам хэвлэх үйлдвэрийн хувьчлалын аль хэсгийг эргэж харах гэж байгаа талаар албан ёсны мэдээлэл гараагүй байгаа юм.  

Б.Энхжин