Батлан хамгаалах яамны сайд Ц.Цолмон эхнэрээ тансаглуулсан мөнгөө эргэн төлөхөөр болжээ.

Тодруулбал Ц.Цолмон сайд өнгөрсөн есдүгээр сарын 23-26-ны өдрүүдэд Франц улсад айлчлахдаа төсвийн мөнгийг дураараа зарцуулж, эхнэрээ дагуулж явсан гэх мэдээлэл нь нэлээд дуулиан дэгдсэн.

Тэгвэл энэхүү асуудлыг АТГ-аас шалгасан байна. Улмаар шалгалтын явцад БХЯ-ны сайд Ц.Цолмон нь төсвийн мөнгөөр эхнэрээ Франц улсад айлчлуулсан нь тогтоогдсон болохыг эх сурвалж мэдээлэв.  Тиймээс төсвийн мөнгийг дураараа захиран зарцуулсан Ц.Цолмон сайдаас уг мөнгийг нөхөн гаргуулж, төсөвт буцаан төлүүлэхээр болсон байна. 

Журмаараа сайд дарга нар гадны улс оронд айлчлахдаа эхнэрээ дагуулж явах бол өөрсдөө зардлыг гаргадаг аж.