БНХАУ-ын Чанарын хяналт, шалгалт хорио цээрийн ерөнхий газар манай баруун таван аймаг болох Увс, Завхан, Говь-Алтай, Хөвсгөл, Баянхонгорын үхэр, хонины маханд тавьсан шүлхийн хоригийг өчигдөр энэ сарын 7-нд цуцалсан байна. Энэ талаар ХХААХҮЯ-ны Хэв- лэл мэдээллийн албаны мэр- гэжилтэн Г.Хишигбадамаас тодруулахад “2013 онд БНХАУ-ын Чанарын хяналт, шалгалт хорио цээрийн ерөнхий газар манайхаас тус улс руу экспортолдог байсан түүхии махны худалдаанд хориг тавьсан. Нэр дурдсан аймгуудаас хоёр жил гаруй хугацаанд урд хөрш рүү мах экспортлоогүй байсныг мэргэжлийн байгууллагуудын удаа дараагийн туршилт, шалгалтыг үндэслэн өчигдөр цуцалсан байна. Харин одоо Монголоос БНХАУ-д үхэр, хонины түүхий мах экспортлоход хоёр улсын мэргэжлийн байгууллагын хооронд протокол байгуулж, мал эмнэлэг ариун цэврийн гэрчилгээний загварыг батал- гаажуулах ёстой. Үүний дараа экспортод мах гаргах боломжтой болно” гэлээ.
