Өршөөлийн тухай хуулиар хар тамхины хэргээр ял эдэлж байсан есөн хүн суллагджээ.

Өршөөлийн тухай хуульд хар тамхи, авлига хээл хахуулын хэргийг хамруулахгүй хэмээж байсан ч хар тамхи, мансууруулах төрлийн сэтгэцэд нөлөөлөх бодистой холбоотой зарим нэг зүйл заалт уг хуулинд хамруулжээ.

Тухайлбал, Эрүүгийн хуулийн 192-д заасан зүйл анги нь хамрагджээ. Үүнд хар тамхи мансууруулах болон сэтгэцэнд нөлөөлөх бэлдмэл, бодисыг хууль бусаар бэлтгэх, олж авах, хадгалах, тээвэрлэх, илгээх, борлуулах гэсэн зүйл анги нь өршөөлд хамрагджээ. Ийм учраас хар тамхи хилээр нэвтрүүлж орж ирээд баригдсан Филлипин эмэгтэй, мөн гэр бүлийнхнээ уруу татаж хар тамхины наймаанд оруулж, улмаар шүүхээс 18 жилийн хорих ял сонссон С.Наранбаатар нарын есөн хүн өршөөлд хамрагдсан байна.