ОХУ-ын Батлан хамгаалах яам манай улсад 20 орчим танк бэлэглэжээ. Тодруулбал Налайх дүүрэг дэх зэвсэгт хүчний 014 дугаар цэргийн ангид ОХУ-ын Батлан хамгаалах яамнаас 20 орчим танк бэлэглэсэн байна. 

Түүнчлэн БНХАУ-ын Батлан хамгаалах яамнаас Зэвсэгт хүчний Төв аймаг дахь 016 дүгээр ангид 13 сая юанийн үнэ бүхий 22 нэгж, зам барилга, инженерийн техник хэрэгсэлийг  бэлэглэжээ. Энэ арга хэмжээ нь манай улсын Зэвсэгт хүчинд цэрэг, техникийн тусламж үзүүлэх хамтын ажиллагааны хүрээнд явагдах байгааг төлөөлөгчид онцолж байлаа.

Дашрамд сонирхуулахад Т-72 загварын танкуудыг 1973 оноос ашиглах болсон бөгөөд ЗХУ-ын хоёрдугаар үеийн танкад тооцогддог аж. Өнөөгийн байдлаар 20 мянган загвар нь үйлдвэрлэгдэж, дэлхийн 40 орчим орны зэвсэгт хүчин ашиглаж байна.

Т-72А загварын танкны үзүүлэлтээс дурьдвал хээрийн замд 35-45 км.ц, засмал замд 60 км.ц хурдлах чадвартай, 100 км-т 240-450 литр түлш зарцуулдаг юм байна. 1979 оноос үйлдвэрлэж эхэлсэн тус танк нь лазерын гэрлийн бай бүхий электрон бууны системтэйгээрээ онцлогтой.