СБД-ийн нутаг Энхтайваны өргөн чөлөө, 103-н гарцанд Нийслэлийн зорчигч тээврийн нэгтгэлийн  "Ecobus J -800" маркийн авто машины жолооч Ч нь  зорчигч 69 настай эмэгтэй С-г унагаж гэмтээжээ.

        Мөн СХД-ийн нутаг Өнөрийн гудамж, 12 дугаар байрны  хойд замд "Honda CRV"  маркийн авто машины жолооч А нь явган зорчигч 23 настай эрэгтэй Т-г мөргөж гэмтээсэн. Явган зорчигч Т нь согтууруулах ундааны зүйл хэрэглэсэн үедээ замын хөдөлгөөнд оролцсон байна.

Аж ахуй нэгж байгууллагууд хуучин оноо үдэж, шинэ оноо угтах баяраа тэмдэглэж, шилдгээ тодоруулан шагнаж урамшуулдаг. Өмнөх онуудын тоон үзүүлэлт, бодит байдлаас харахад 12 сарын эхний 10 хоногт согтуугаар тээврийн хэрэгсэл жолоодох, архи согтууруулах ундааны зүйл хэрэглэсэн үедээ буюу биеэ авч явах чадваргүй үедээ замын хөдөлгөөнд оролцож яваад зам тээврийн осолд өртөх, гэмт хэргийн хохирогч болох,  гэмт хэрэгт холбогдох, осгож хөлдөх зэрэг эрсдлийг бий болгодог тул аж ахуй нэгж байгууллагууд баярын үйл ажиллагаагаа цогцоор нь зөв  зохион байгуулж, ажилтнуудынхаа аюулгүй байдлыг сайтар хангах, зориулалтын нэгдсэн унаагаар үйлчлэх, согтууруулах ундааны зүйл хэрэглэсэн үедээ тээврийн хэрэгсэл жолоодохгүй байх, дуудлагын жолооч болон найз нөхөд, ар гэрийнхэнийг нь хүлээлгэн өгөх зэрэг урьдчилан сэргийлэх арга хэмжээ авахыг уриалж байна.

Д.Ундрах /24tsag.mn/