Улаан-Үүд рүү энэ сарын 10-нд буюу өнгөрсөн пүрэв гарагт хувийн автомашинаар зорчиж явсан манай улсын зургаан иргэн зам тээврийн осолд орж, газар дээрээ амиа алдсан гэх мэдээлэл гараад байгаа.

Тэгвэл Улаан-Үүдээс дөнгөж сая манай сайт руу  холбогдлоо.

Улмаар зургаан иргэн газар дээрээ амиа алдсан осол болоогүй гэдгийг онцолсон юм. Тодруулбал, энэ сарын 10-ны өдөр Улаан-Үүдээс Монголруу "35-48" ДАХ дугаартай "Тоёото марк II" машин хөдөлсөн байна. Ингээд Улаан-Үүдээс гараад 48 км яваад осолджээ. Ослоор 21 настай иргэн Х гэгч газар дээрээ амиа алдсан харамсалтай хэрэг гарчээ.

Өөрөөр хэлбэл, сайтуудад мэдээлэгдээд байгаа шиг зургаан хүн газар дээрээ амиа алдсан зүйл болоогүй гэдгийг хэллээ.

Манайхан бүрэн бус автомашинаар хилээр гарч, хурд хэтрүүлсний улмаас зам тээврийн осолд өртөх явдал гардаг.  Тиймээс хол замд гарах гэж байгаа бол техник хэрэгслийнхээ бүрэн бүтэн байдлыг шалгаж, хурд хэтрүүлэхгүй байхыг албаныхан анхааруулж байна.

Д.Ундрах /24tsag.mn/