Худалдаа хөгжлийн банкинд халдаж, 360 гаруй сая төгрөг дээрэмдсэн ноцтой хэрэг өчигдөр гарсан. Тодруулбал, ням гарагийн өглөө 10.00 цагийн орчим Сонгинохайрхан дүүргийн 18 дугаар хорооны нутаг дэвсгэр буюу Таван шард байрлах Худалдаа хөгжлийн банкинд дээрэмчин этгээдүүд халдаж, их хэмжээний мөнгө дээрэмдсэн юм.

Тэгвэл цагдаагийн албан хаагчид шуурхай ажиллан эрэн сурвалжсаны эцэст гэмт этгээдүүдийг баривчилсан байна. Энэ талаараа албан ёсоор 14.00 цагт ЦЕГ-т мэдээлэл хийлээ.

Банк дээрэмдсэн этгээдүүдийг өнөөдөр Улаанбаатар хотоос баривчилсан байна. Хэрэгтэн Э, Б нар нь 1985, 1992 онд мэндэлсэн, төрсөн ах дүү хоёр байжээ. Тэднийг Сонгинохайрхан дүүргийн цагдаагийн нэгдүгээр хэлтэст 147, 147.3-аар эрүү үүсгэн шалгаж байгаа.

Цагдаагийнхан тэднээс нийт 380 сая төгрөгийг эд мөрийн баримт болгон хурааж авчээ.

Д.Ундрах /24tsag.mn/