Дархан-Уул аймгийн төмөрлөгийн үйлдвэрт хүн амины хэрэг гарчээ. Тодруулбал, тус үйлдвэрийн албан тушаалтнууд өнгөрсөн долоо хоногийн лхагва гарагийн орой хамт архи ууж байгаад нэгнийхээ аминд хүрсэн гэх мэдээлэл байна.

Энэ талаар албаны эх сурвалжаас тодруулахад “Энэ хэргийг шалгаж байгаа. Мөрдөн байцаалтын ажил явагдаж байна. Санамсар, болгоомжгүйгээс хүний аминд хүрсэн. Өөр дэлгэрэнгүй мэдээлэл өгөх боломжгүй” гэлээ.

Талийгаач залуу Б нь 33 настай бөгөөд тус үйлдвэрт Үйлдвэрийн шугам, сүлжээний хэлтсийн даргын албыг хашдаг байсан төдийгүй 10 гаруй жил Дархан-Уул аймгийн төмөрлөгийн үйлдвэрт ажилласан нэгэн гэнэ. 

Одоогоор уг хэрэгт холбогдуулан хамт байсан ажилчдыг нь шалгаж эхэлжээ.

Д.Ундрах /24tsag.mn/