Өнгөрөгч шөнө Автозасварын газарт гал гарснаас машин шатаж, хүмүүс түлэгдсэн хэрэг  гарсан байна.

Нийслэлийн "Сүхбаатар дүүргийн 11 дүгээр хороонд байрладаг авто засварын газарт автомашин шатаж байна" гэсэн дуудлага Онцгой байдлын газрын галын албанд оройн 18:45 цагт иржээ. Дуудлагын дагуу Чингэлтэй дүүргийн Онцгой байдлын хэлтсийн Гал унтраах, аврах 10 дугаар ангийн албан хаагчид ажиллаж, гал түймэрт иргэн О /28 настай, эрэгтэй/, Б /21 настай, эрэгтэй/ нар түлэгдсэнийг Яаралтай түргэн тусламжийг эмчид хүлээлгэн өгсөн байна. Уг хэргийг харьяа дүүргийн цагдаагийн хэлтэст шалгаж байна.