Ард иргэдэд, хоолны хордлогоос сэргийлэх зөвлөмж
Сүүлийн жилүүдэд олныг хамарсан хоолны хордлого, хордлогот халдвар дэгдэлт хэлбэрээр голомтлон бүртгэгдэж, тэдгээрийн гаралтанд нөлөөлөх хүчин зүйлүүд нэмэгдэх хандлагатай байна. Тухайлбал хүнсний хангамжийн даяарчлал, хүнсний бүтээгдхүүний нэр төрлийн олшрол, үйлдвэрлэлт, савлалт, тээвэрлэлтийн горимын өөрчлөлт шинэчлэлүүд, өвчин үүсгэгчийн хувьсал, эмгэгтөрөгч бичил биетний эмэнд тэсвэржилт, хоол хүнсний аюулгүй хэрэглээний талаарх хүмүүсийн мэдлэг хомс байх, дадал зуршлын буруутай үйлдэл гэх мэт олон зүйл нөлөөлж байна.
Хоолны хордлого, хордлогот халдварын үед илрэх шинж тэмдэг, илрэх хугацаа үүсгэгчээс хамааран харилцан адилгүй байдаг ба доорхи нийтлэг шинж тэмдгүүдээс илэрсэн тохиолдолд эмч, эмнэлгийн байгууллагад яаралтай хандахыг зөвлөж байна.
Гэдэс базлах, халуурах, толгой өвдөх, бөөлжих, ядрах, суулгах, өтгөндцус, цусны судал, залхаг гарахгэх мэт.
Хоолны хордлогоос сэргийлэх талаар дараах зөвлөмж өгч байна:
Хоол хүнсийг гартаа барих, идэж эхлэхээс өмнө гараа савандан угаах
Хүнсний бүтээгдэхүүнийг зохих гарал үүслийн бичигтэй, тээвэрлэлтийн болон хадгалалтын горим баримталдаг дэлгүүр, үйлчилгээний газраас худалдан авах
Хүнсний бүтээгдэхүүний үйлдвэрлэсэн он, сар, өдөр, хэрэглэх хугацаа, хадгалалтын нөхцөл зэргийг харж үзэж ав.
Лаазалсан, нөөшилсөн, хагас боловсруулсан хүнс хонхойж цөмөрсөн, ан цав үүссэн бол худалдаж авахгүй байх
Өндөг, өндгөн бүтээгдэхүүн, майонез, мөхөөлдөс, кремтэй бялуу, жигнэмэгийг хөргөгч, хөргүүрт хадгалдаг газраас худалдан авах
Хүнсний бүтээгдэхүүнийг хөргөгчинд хадгалж, мах, махан бүтээгдэхүүнийг хөлдөөж хэрэглэх
Хоол хүнсний зүйлийг ахуйн цэвэрлэгээний зүйлс, химийн бодис, муудсан зүйлтэй хамт хадгалахгүй байх
Хоолыг чанаж, гүйцэд болгосон тэр даруйд хэрэглэх ба 2-оос дээш цаг бүү хадгал
Хүйтэн зууш, бялуу, зайрмаг, салат зэргийг идэж хэрэглэхийн өмнөхөн хөргөгчнөөс гарга
Жимс, ногоог бүлээн усаар угааж, зайлж хэрэглэх
Усыг буцалгаж хэрэглэх
Болсон, түүхий бүтээгдэхүүнийг тусад нь хадгалж, болсон, түүхий бандан, модыг тусад нь хэрэглэж, угааж занших
Хоол, хүнсийг чанахдаа 15 минутаас багагүй хугацаагаар буцалган, гүйцэд болгож хэрэглэх
