ХОНЬ - (3/21-4/19)
Өглөө сэтгэл санаа тоггворгүй байх төлөвтэй. Хэдхэн хором ч болов чимээгүй сууж, тунгаан бод. Бага насны зургаа гаргаж дотоод сэтгэлтэйгээ ярь, хариулт таныг гайхашруулна. Зөн билэг өндөр байж, Азын тэнгэр ивээх болно. Сонор, сэргэг бай, танд асар их ашиг айсуй. Том төсөл эхлэх, эсвэл ашиг тус авчрах хамтын нийгэмлэгт цаг, мөнгөө хандивлахад тохиромжтой үе.
ҮХЭР - (4/20-5/20)
Эрч хүчээр дүүрэн байж, амсхийх завгүй их ажил хүлээж байна. Зорьсон зүйлдээ саадгүй хүрэхийн тулд идэвхтэй ухаалаг байгаарай. Энэ өдөр үүссэн асуудлыг бүх талаас нь харж ярвигтай болохоос болгоомжилж, харилцаа
холбоондоо буруу хандлага төрүүлэхгүй байхыг хичээгээрэй. Эс бөгөөс хэлэлцэж буй асуудлаа шийдэхэд бусадтай санал зөрөлдөж болзошгүйг анхаар. Хүнд бэрх зүйлтэй нүүр тулж магадгүй. Ганц бие Үхрүүдийн хувьд сэтгэл хөдөлгөсөн сайхан хүнтэй танилцана.
ИХЭР - (5/21-6/21)
Урлагийн болон гүн ухааны сонирхолтой санаанууд таны бодлыг эзэмдэх болно. Хэрвээ ямар нэг зүйл бичиж эхэлж байгаа бол өгүүллэг эсвэл номоо маш сонирхолтойгоор дуусгаж чадна. Хосууд чухал асуудлаар санал зөрөлдөх бөгөөд мухардалд орно. Та асуудлыг хурдан мартаж чадахгүй. Тиймээс ямар нэг шийдэл хэлж өгч чадах дотны найз нөхөдтэйгөө ярилцаад үзэхэд гэмгүй.
МЭЛХИЙ - (6/22-7/22)
Энэ өдөр мэлхийн ордынхны хувьд хайр дурлалын бас мөнгөний гариг юм. Эд хөрөнгө, эрх мэдэл чинь таныг зоригжуулна. Нөхөрлөл чинь хангалттай сэтгэл ханамжийг мэдрүүлнэ. Нөхөд чинь таныг ихэд хүндэлдэг тул та өөрөө хичээх хэрэгтэй. Баярын дараа ажиллах эрч хүч суларч магадгүй. Хамт ажиллагсадтайгаа эвгүй харьцахаас болгоомжлоорой. Ажил төрлийн холбоотой хүмүүстэйгээ огцом ширүүн харьцахаас зайлсхий. Хөгжилтэй цоглог байхыг хичээ.
АРСЛАН - (7/23-8/22)
Өөрийн зөн совиндоо итгэж, жижиг сажиг зүйлсийг тоолгүй орхи. Таны төлөвлөгөөнд ямар нэгэн байдлаар өөрчлөлт орох бололтой. Сайн төвлөрч чадвал та зардлаа багасгаж чадна. Шинэ мэргэжлийн гараагаа эхлүүлэх боломж юм уу аялал зугаалгад явах завшаан танд тохионо. Гэхдээ гэр бүлээ нэн тэргүүнд тавьдаг бол аялалд явах аятай цаг мөн эсэхээ сайтар тунгаагаарай. Гаргаж байгаа шийдвэртээ эргэлзэх хэрэггүй, бусдын санаа бодлыг асуу.
ОХИН - (8/23-9/22)
Хайр дурлал болон бизнесийн харилцаанд бага зэрэг гэнэтийн асуудал гарах бөгөөд үүнд бэлэн байх хэрэгтэй. Аливаад ухаалаг хандахгүй бол танд хүнд цохилт болно. Санхүүгийн асуудал үүсч хэт их мөнгө үрж, зардал гаргаад байгаа бол энэ талаар гэр бүл дотроо сайтар ярилцахыг зөвлөж байна. Хайртай хүмүүстээ тавих анхаарлаа сайжруулснаар сэтгэл зүйн дарамтаас гарах болно.
ЖИНЛҮҮР - (9/23-10/22)
Найзархаг, нийцтэй өдөр. Адал явдлын нөлөөгөөр энэ өдөр гэнэтийн үйл явдлаар дүүрэн байх нь. Өглөө эртлэн босох нь бизнесийн үйл ажиллагаанд маш чухал бөгөөд аливаа үйл ажиллагаанд хоцрохгүй байх хэрэгтэй. Татварын буцаан олголт, эд хөрөнгө өв залгамжлах болон бизнесийн сайн хамтрагчтай болсноор санхүүгийн хувьд азтай байх болно. Гэр бүлийнхээ аливаа асуудлыг ойлгож, шийдвэрлээрэй.
ХИЛЭНЦ - (10/23-11/21)
Нар таны харилцаа холбооны ордыг тойрно. Сурталчилгааны эсвэл шуудангийн компаниуд олон нийтийн болон бизнесийн асуудалд цаг зав, анхаарлаа хандуулахыг танаас хүсэх байх. Та баярын дараа амрахыг хүссэн ч нэг ажлаас нөгөөд шилжсээр, олон үйл ажиллагаанд оролцох бололтой. Хэрвээ та сүүлийн үед найз нөхөд, ах дүүтэйгээ хамт цаг бага өнгөрүүлсэн бол тэдэнтэй холбоо барь.
НУМ - (11/22-12/21)
Ажил мэргэжлийн хувьд, хувийн харилцаан дээр ч тогтворгүй байдал ажиглагдана. Арилжаа наймаанд одгүй байна. Та хэчнээн их хүчин чармайлт гаргасан ч тохиолдох саад бэрхшээлийг даван гарч чадахгүй. Сэтгэл санаагаар гэнэт унах, хар дарж зүүдлэх эсвэл толгой өвдөх гэх мэт байдал ажиглагдаж мэднэ. Энэ жил аливаа зүйлийг хийхдээ зөв эхэлж өөрөө өөртөө анхаарах хэрэгтэй.
МАТАР - (12/22-1/19)
Таны, шийдэмгий зан чанар бусдын анхаарлыг татах болно. Бусдад түрэмгий хандахаас зайлсхий. Өөрийн хэл яриагаа цэгнэ. Өдөр тутмын чухал ажлуудаа өглөөгүүр эртхэн амжуул. Гэр орны болон санхүүтэй холбоотой урьдчилан тооцоолоогүй асуудлуудад тайван ханд. Өнгөрсөн үеийн хэцүү асуудал эргэн сөхөгдөж магадгүй.
БУМБА - (1/20-2/18)
Урт хугацааны төлөвлөгөөгөө шинэчлэн өөрчил. Жижиг зүйлсээс болж стресстэх хэрэггүй. Учир нь таны олох ашиг их. Гаднаас ирэх зочид танд төвөг удахын зэрэгцээ маш их баяр хөөр бэлэглэнэ. Таагүй зүйлс тохиолдсон ч эерэг сэтгэлгээгээ хадгал. Өдрийн талыг дэлгүүр хэсч өнгөрөөх шинжтэй. Хилийн чанадад аялах бол шинэ хувцас ав, гэхдээ зардлаа хатуу хяна. Алдагдалгүй аялах мэдээж таатай.
ЗАГАС - (2/19-3/20)
Өнөөдөр ч мөн адил амьдралаа энгийн байлгаж, урагшилсаар бай. Загасны ордны хүмүүс удирдлагаа алдаж мэдэхээр байгаа тул, хэтэрхий их аз жаргалтай байдлаа харуулах гэсний хэрэггүй. Хэрэв та өдийд дараа жилийнхээ баярт хэрэгтэй зүйлсийг цуглуулдаг бол одоо энэ мөнгөө хадгалж эхэл. Мөнгө болон хайр дурлалтай холбоотой асуудалд хачин тогтворгүй зан ааш гаргахаасаа болгоомжил. Чухал хүмүүсээсээ хайр халамж авах гэж тэднийг хэт их хүчлэх хэрэггүй.
