Энэ онд нийслэлийн 19 обьект, аж ахуй нэгжийг хувьчлахаар болжээ.

Тухайлбал Хүүхдийн урлан бүтээх төв, СБД-ийн Засаг даргын Тамгын газрын өргөтгөлийн барилга, Нийслэлийн засаг захиргааны V байр, Нийслэлийн соёлын төвийн Г корпус, Нийслэлийн Засаг даргын Тамгын газрын харьяа Спорт заалны барилга, мөн одоо ашиглагдахгүй байгаа хэд хэдэн Өрхийн эрүүл мэндийн төвийн барилга, хороо, цэцэрлэгийн хуучин барилгуудыг хувьчлахаар болсон байна.

Харин аж ахуйн нэгжээс Усан спорт сургалтын төвийг хувьчлах аж. Тус газрыг хувьчлахдаа үйл ажиллагааг нь 15 жилийн хугацаанд өөрчлөхгүй байх нөхцөлтэйгээр нээлттэй дуудлага худалдаагаар худалдах аж. Эдгээр хувьчлалаас нийтдээ 46 тэрбум төгрөгийг нийслэлийн төсөвт төвлөрүүлж, цэцэрлэг, сургууль, зам гээд бүтээн байгуулалтын  ажилд зарцуулахаар тооцоолжээ.