Говьсүмбэр аймгийн засаг дарга Л.Одсэрийг шалгуулахаар АТГ-т гомдол гаргажээ.

Л.Одсэр нь 2013-2014 онд Төсвийн тухай хууль, Сангийн сайдын тушаал, Орон нутаг хөгжүүлэх сангийн зааврыг ноцтойгоор зөрчиж байсан аж. 

Тухайлбал, аймгийн Орон нутаг хөгжүүлэх сангаас тендер зарлалгүйгээр  “Таван богд групп” ХХК-тай шууд гэрээ хийж аймгийн ИТХ-ын даргад “Toyota land 200” автомашиныг 115.6 сая төгрөгөөр, “Оргилмөнх трейд” ХХК-иас 2008 онд үйлдвэрлэсэн “Toyota land 200” автомашиныг 69.7 сая төгрөгөөр худалдан авч аймгийн Цагдаагийн хэлтсийн даргад, мөн 2014 онд  “Таван богд групп” ХХК-тай шууд гэрээ хийж “Toyota land 200” автомашиныг 145 сая төгрөгөөр өөрийн хэрэгцээнд зориулж худалдан авсан байна.

Мөн аймгийн Засаг даргын Тамгын газрын конторыг засварлахдаа тендер зарлахгүйгээр 97.8 сая төгрөгийг зарцуулсан бөгөөд нийт Орон нутгийн хөгжлийн сангаас 428.1 сая төгрөгийг хууль бусаар зарцуулж хууль зөрчсөн болохыг Сангийн яам шалган тогтоосон аж. Тиймээс ийнхүү АТГ-т шалгуулахаар болжээ.