АСЕМ-ын 11 дэх удаагийн Дээд хэмжээний уулзалтыг зохион байгуулах бэлтгэл ажлын хүрээнд Нийслэлийн Хөдөлмөрийн газар 600 хөтөч, тайлбарлагчийг бэлтгэх бүртгэлийн арга хэмжээг зохион байгуулж байна.

Уг үйл ажиллагаа өнөөдөр “Чингис хаан” зочид буудлын 1 давхрын танхимд 11:00-16:00 цагт болох аж. 

Бүртгүүлэх иргэдэд Англи, Хятад, Солонгос, Япон, Орос, Герман, Франц хэлний ярианы чадвартай байх, Синхроны орчуулга хийх чадвартай иргэд,20-60 насны иргэд хамрагдах гэсэн шаардлага тавьж байгаа бол үйлчилгээ, зохион байгуулалтын ажилд өөрийн ур чадвар, мэдлэгээс хамаарч оролцоно гэжээ.

Харин бүрдүүлэхийг хүссэн иргэд иргэний үнэмлэх /хуулбар/, 2 хувь цээж зураг, диплом, сертификатын хуулбар /гадаад хэлний/-ыг бүрдүүлж очих шаардлагатай юм байна.