“Орчлон” сургуулийн бассейнд живсэн дөрвөн настай хүү нас баржээ.

Тодруулбал өнгөрсөн арванхоёрдугаар сард “Орчлон” сургуулийн бассейнд дөрвөн настай хүү живсэн байна. Улмаас хүүгийн биеийн байдал хүнд Эх нялхасын сэхээн амьдруулах тасагт эмчлүүлж байсан ч өнгөрсөн лхагва гаригт нас баржээ.

Хүү усанд живж удаан байсны улмаас тархи нь үхжсэн байсан нь амиа алдахад шалтгаан болсон гэдгийг албан бус эх сурвалж мэдээлэв.

Хүү “Орчлон” сургуулийн цэцэрлэгт хүмүүждэг байсан бөгөөд тус цэцэрлэг долоо хоногт нэг удаа хүүхдүүддээ усанд сэлэх хичээл ордог байжээ. Энэ үеэр энэхүү золгүй явдал гарсан байна. Тус хэргийг цагдаагийн байгууллага эрүүгийн хэрэг үүсгэн шалгаж байгаа аж.