Монгол Улсын анхны Ерөнхийлөгч П.Очирбатыг “Mongolian Mining Corporation”-ийн ТУЗ-ийн хараат бус гишүүнээс чөлөөлжээ.

Тэрбээр энэхүү ажлаасаа өөрийн хүсэлтээр чөлөөлөгдсөн бөгөөд түүний оронд Үндэсний хөгжил, шинэтгэлийн хорооны дарга асан Ч.Хашчулууныг томилсон байна.

Ч.Хашчулуун нь Токиогийн Кэйо их сургуульд докторын зэрэг хамгаалсан.

Монгол Улсын Их сургуулийн Эдийн засгийн сургуулийн захирал, Япон-Монголын хамтарсан Монголын засгийн газрын дунд хугацааны стратеги төлөвлөлт ба олон нийтийн хөрөнгө оруулалтын хөтөлбөрийн зөвлөхөөр ажиллаж байсан зэрэг олон улсад танигдсан, чадварлаг төлөөллийн нэг аж.