“МИАТ” ТӨХК-ийн гүйцэтгэх захирал асан Г.Жаргалсайхан Зам, тээврийн сайд М.Зоригтыг АТГ-т өгчээ. Тэрээр өргөдөлдөө "УИХ-ын гишүүн, Засгийн газрын гишүүн, Зам тээврийн сайд Мөнхчулууны Зоригт нь Зам тээврийн сайд болсон цаг үеэс хойш өөрийн хариуцсан салбарын эрх ашгийг хангаж хуулиар олгогдсон эрхийнээ дагуу үйл ажиллагааг бодлогын түвшинд нь зохицуулах бус өөрийн хувийн эрх ашгийг нэн тэргүүнд тавьж сайд гэх албан тушаалын байдлаа давуу байдал болгон ашиглаж, Монгол Улсын Үндэсний агаарын тээвэрлэгч Монголын иргэний агаарын тээвэр (МИАТ) төрийн өмчит хувьцаат компанийн эрх ашиг, үйл ажиллагаанд сөргөөр нөлөөлөхүйц үйлдлийг удаа дараа гаргаж байна" гэдгийг онцолжээ.

Ингээд АТГ-т өгсөн түүний өргөдлийг бүрэн эхээр нь хүргэж байна.

Д.Дуулим