Чингэлтэй дүүргийн нэг байрыг дахин төлөвлөж барина

2016-1-12

Нийслэлийн Засаг даргын захирамжаар Чингэлтэй дүүргийн 1-р хорооны нутаг дэвсгэрт байрлах 19-р байрыг дахин төлөвлөж барихаар боллоо. Уг орон сууц нь нийслэлийн Мэргэжлийн хяналтын газрын Улсын ахлах байцаагчийн 2015 оны 12 дугаар сарын 11-ний өдрийн 02-07-112/2051 дугаар дүгнэлтээр ашиглалтын шаардлага хангахгүй, газар хөдлөлтөд тэсвэргүй нь тогтоогдсон байна. Иймд НИТХ-ын Тэргүүлэгчдийн тогтоолоор батлагдсан “Ашиглалтын шаардлага хангахгүй нийтийн зориулалттай орон сууцны барилгыг дахин төлөвлөн барилгажуулах журам”-ын дагуу дээрх орон сууцны барилгад үйлдвэрлэл, үйлчилгээ эрхлэх зөвшөөрлийг төсөл хэрэгжих хугацаанд түр түдгэлзүүлжээ гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

АНХААРУУЛГА: Та сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээ зөрчсөн сэтгэгдэлийг админ устгах эрхтэй.

Сэтгэгдэл (3)

оршин суугч (59.153.115.229)

Дотор нь амьдарч байгаа хүмүүст юу ч мэдэгдэхгүй байхад энэ байранд орж ч үзээгүй хүмүүс муу байна гээд нураах гээд байдаг нь ямар учиртай юм бол. Тэгээд ч энэ жил гадна талаас нь бүтэн засвар хийсэн шүүдээ. Сонин л юм. Хэдэн жилийн өмнө нурааж өндөр байр барина. газар нь хэрэг байна гээд л хүмүүс гүйлдээд байсаан тэр л явж байгаа юм байна. Одоо зүгээр байгаа байрыг нураах байтугай мөнгө хөрөнгөгүй болоод байгаа юм бишүү. Тэгээд ч дотор нь суугаа хүмүүс тийм ч амархан байраа, газраа өгөхгүй байлгүй дээ. Жоохон учиртай баймаар юм. Ингэж байхаар хотын ганц цэвэрлэх байгууламжаа янзлаач муухай үнэртээд байж сууж чадахгүй байна. Хотын удирдлагууд тийм муухай газар суугаад сурсан бохир заваан хүмүүс байж, 40 мянгатын бид ч боловсролтой соёлтой хүмүүс тэвчихүй байна. Бас агаараа цэвэрлээч олон хүүхдийн амь нас эрүүл мэндийг бэнэ бохирдолт авч явж байна шүү.

2016 оны 01 сарын 12 | Хариулах
Зочин (59.153.112.95)

түрүүчийн ажиллаа дуусгаагүй байж ахиж хүмүүсийг орох оронгүй болгоод одоо болимоор юм аа манайх дахин төлөвлөлтөнд ороод газараа өгөөд 3 жил боллоо байр ч байхгүй газар ч байхгүй хэцүүдэж байна даа

2016 оны 01 сарын 12 | Хариулах
Зочин (182.160.37.12)

маш зөв. батүүл одоо л зөв ажиллаж магадгүй боллоо. хөшөөтэй ноцолдож хамаг нэрээ барж байхаар энэ 40 50 мянгатаа шинэчлээчээ.

2016 оны 01 сарын 12 | Хариулах