Эрүүл мэндийн дэд сайд асан, НИТХ-ын төлөөлөгч Ж.Амарсанаа өчигдөр цагаан сараар өргөн хэрэглэдэг ул боовонд агуулагдаж буй транс тосны асуудлаар мэдээлэл хийлээ.

Тэрбээр "Орчин үед аливаа зүйлийг химийн аргаар гарган авч зарим нэг хүнсний бүтээгдэхүүний орлуулах бүтээгдэхүүн болгон хэрэглэж байгаа нь сайн болон муу үр дагавруудыг бий болгоод байгаа юм. Үүний нэг жишээ бол Транс тос... Цөцгийн тосыг орлогч энэхүү хямдхан холимог тос нь зүрх судасны өвчин болон зүрхний шигдээсийн гол шалтгааны нэг болж хорт хавдар, чихрийн шижин, үүсэхэд нөлөөлж байна гэдгийг хэллээ. Энэхүү тосыг манай талх, нарийн боов үйлдвэрлэгч “Стимо”, “Бамбууш”, “Талх чихэр”, “Атар-Өргөө”, “Тэнгэрийн хишиг”, “Баялаг-Үр”, “Өгөөмж-Архад”, “Агартайн-Оргил”, “Түвшин- Энхлхам”, “Жин туул”, “Өгөөж чихэр боов”, “Чамдман-Ээж”, “Булайн- Их өндөр”, “Амдэ” гэх 14 компанийн 106 нэр төрлийн гурилан бүтээгдэхүүнд хэрэглэдэг болохыг тогтоожээ. Хаяг, шошгодоо орц найрлаганд маргарин буюу транс тостой гэсэн байгааг баримт болгожээ.

Д.Дуулим