Баянзүрх дүүргийн Цагдаагийн II хэлтсийнхэн 2015 онд харьяалах нутаг дэвсгэрийн хэмжээнд гарсан ноцтой гэмт хэргүүдийнхээ талаар өчигдөр мэдээллээ.

Тус хэлтэст 174 хүн гэмт хэрэгт өртөж хохирсноос 26 нь нас барсан байна. “Эрэл” сургуулийн хойно байрлах эзэнгүй байшинд Б нь нуруундаа хоёр удаа хутгалуулж нас барсан хэрэг өнгөрсөн оны наймдугаар сарын 6-7-нд шилжих шөнө raрсан байна. Энэ хэрэгт А гэгчийг сэжиглэн баривчилсан аж.

Мөн Их Дарь эхийн III гудамжинд бусдад зодуулж нас барсан Г-ийн цогцсыг есдүгээр сарын 20-нд олж эрэн сурвалжлах ажиллагаа явуулан талийгаачийн төрсөн дүү О-г нь сэжиглэн саатуулжээ. О өмнө нь зургаан удаа ял эдэлж байсан нэгэн аж.

Орон сууцны хогийн цэгт 2-3 хоногтой нярай хүүхдийн цогцос хаясан байсныг өнгөрсөн оны есдүгээр сарын 1-нд иргэд олжээ. Нас барсан хүүгийн ээжийг нийслэлийн Сүхбаатар дүүргийн XVI хороонд байрлах гэрээс нь баривчилсан байна.

 БНХАУ-ын хоёр иргэнийг зодож, 1.6 сая төгрөг, 400 ам.доллар болон бусад эд зүйлийг нь дээрэмдсэн хэрэг гарчээ. Энэ хэргийг О гэгч бусадтай бүлэглэн үйлдсэнийг илрүүлсэн аж. Баянзүрх дүүргийн II хороонд үйл ажиллагаа явуулдаг байсан вьетнам авто засварын газарт тавдугаар сарын 9-нд 47 настай Г гэгч бусадтай бүлэглэн дайрч орон ажилчдыг нь зодож, эд зүйлийг нь дээрэмдсэн байна. Эдгээр хэрэг нь 300 холбогдогчтой, 1.5 тэрбум орчим төгрөгийн хохиролтой байжээ.

Д.Дуулим